កំពង់ស្ពឺ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានជំរុញលើកទឹកចិត្តទៅដល់កម្មករឲ្យហ៊ានប្រឈមនឹងតតាំងជាមួយនឹងក្រុមដែលប្រឆាំងញុះញង់ឲ្យបរទេសដាក់ទណ្ឌកម្មលើកម្ពុជា។
ក្នុងជំនួបជាមួយនឹងកម្មករជិត ២ម៉ឺននាក់ព្រឹកថ្ងៃទី២៧ ខែមិថុនា ឆ្នាំ២០២៣ ក្នុងខេត្តកំពង់ស្ពឺ សម្ដេចតេជោបានលើកឡើងថា រាជរដ្ឋាភិបាលខំប្រឹងប្រមូលនូវអ្នកវិនិយោគឲ្យមកបណ្ដាក់ទុនវិនិយោគនៅកម្ពុជាដើម្បីបង្កើតការងារជូនពលរដ្ឋ ខណៈដែលក្រុមប្រឆាំងតែងតែញុះញង់ទៅដល់បរទេសឲ្យមកដាក់ទណ្ឌកម្មកម្ពុជា។
ការដាក់ទណ្ឌកម្មនេះហើយគឺជាបញ្ហាប្រឈមរបស់កម្មករនៅក្នុងប្រទេសតែម្ដង។
សម្ដេចបានលើកទឹកចិត្តទៅដល់កម្មករទាំងអស់ឲ្យហ៊ានប្រឈមនិងចង្អុលមុខទៅដល់ក្រុមប្រឆាំងទាំងឡាយណាដែលចង់អោយបរទេសដាក់ទណ្ឌកម្មមកលើកម្ពុជា។
សម្ដេចថាការរក្សាស្ថេរភាពនយោបាយនិងការរក្សាបាននូវស្ថេរភាពសេដ្ឋកិច្ចគឺនឹងជួយឲ្យកម្ពុជាកាន់តែរឹងមាំ៕
